वृद्धाश्रम आणि घर यांच्यातला मध्य

उज्ज्वल भविष्य सामाजिक संस्था संचलित सहजानंद अध्यात्मिक गोपाळ निवास (ज्येष्ठ नागरिकांचे होस्टेल) या संकल्पनेतून रुढाश्रम आणि घर यातून ज्येष्ठ नागरिकांचे होस्टेल असा मध्य साधण्याचा प्रयत्न केला आहे. या होस्टेलमध्ये विविध वयोगटातील ज्येष्ठ नागरिकांना अॅडमिशन दिले जाते.

६० ते ८० वयोगटातील लोकांशी बोलणे, त्यांच्याशी गप्पा मारणे, त्यांच्याबरोबर फिरायला जाणे, विरंगुळ्यासाठी गेम खेळणे, त्यांच्या सहवासात राहणे ही जास्त गरज असते. थोडक्यात लहान बाळासोबत जसे वागतो, त्यांचे हट्ट पुरवतो — तसेच त्यांच्यासोबतही वागावे लागते. आणि या सर्व गोष्टींची पूर्तता या होस्टेलमध्ये नक्की होते.

आधुनिक कुटुंब पद्धतीमुळे निर्माण झालेली पोकळी

अलीकडच्या आधुनिक काळात तरुण पुढील कामासाठी, मुलांच्या शिक्षणासाठी देशात-परदेशात वास्तव्य करावे लागते, तसेच विभक्त कुटुंब पद्धती अशा अनेक कारणांमुळे मुलांची इच्छा असूनही पुरेसा वेळ मिळत नाही.

परदेशी मुलांना आई-वडिलांविषयी चिंता, काळजी असते. या काळजीमुळे त्यांना कामावर निश्चितपणे जाता येत नाही. अशा वेळी ज्येष्ठांना एकमेकांच्या साथीची, एकमेकांशी बोलून सुख-दुख वाटून घेण्याची गरज वाटू लागते — जसे मुला-मुलींचे हॉस्टेल असते, त्याप्रमाणे ज्येष्ठ नागरिकांचेही हॉस्टेल असावे, ही संकल्पना.

या संकल्पनेतून एकमेकांच्या वयाचे मित्र-परिवार एकमेकांना मिळेल. इथे नवीन नाती घडतील आणि त्यांचे जीवन आनंदाने जगतील.

होस्टेलमध्ये प्रवेश कसा घ्यावा

उज्ज्वल भविष्य सामाजिक संस्था ही नोंदणीकृत स्वयंसेवी संस्था आहे (रजि. क्र. एफ. ००१५५२ (RGD)). समाजातील दुर्लक्षित घटकांसाठी — गरजू, अपंग, महिला, मुले आणि भटक्या प्राण्यांसाठी — कार्यरत.